الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 شعر وخواطر

اذهب الى الأسفل 
كاتب الموضوعرسالة
برنس الحب
عضو جديد
عضو جديد
avatar

ذكر عدد الرسائل : 27
العمل/الترفيه : طالب
المزاج : فرحان
الأعلام :
المزاج :
Personalized field :
تاريخ التسجيل : 12/01/2009

مُساهمةموضوع: شعر وخواطر   الإثنين يناير 12, 2009 3:21 am

*إشقد إنته تعبي روحي ، تعبيها ، و *تترس حتى الشروخ و الشقوق اللي فيها . و الله ما أدري *وش أقول ،
و ما *أعبّر أعبر . إهـي هاذاي معزّة ، أو محبة .. لو *شنو ؟؟؟
اللي يـقرقع بــداخلي شي جديد .. بـطعم جديد .. بـلون جديد .. ما هو ما أسمع عنه بــــــكل القصيد ، و لا هو ما أقرأ في دفاتر و كتب . و ما هو ما أشوفه بين ناس و ناس .
لااااااااا .. هو شي مختلف .. بس كيف أوصفه ؟ من يبتدع له أي إسم ؟
معقول اللي قاعد يصير !! لااا .. عمري ما حسيت بذا الشعور . و لا شعرت بكل ذا الخوف ..
إااااايش *يلمنا .. *أوادم من كواكب و أزمان ضايعة في البعد .. تعتقد إني إخترت المريخ سكن من عبث !! يقولون كوكب و ما فيه أي حياة ، بس فيه بقايا آثار تدلّ على حياة كانت فيه .
بــس روحك اللي دبّت _ و ما أدري من وين _ قعّدت روحي من العدم .
و بسرعة سرت في كل مداها .. بين أرضها
و سماها . و أبعثت فيها الحياة . و نبّتت هـي و خضّرت ..
أستحي أقول أكثر .. لا يقولون ذي جنّت و قعدت . و أنا اللي لى وصفوا قالوا عني رصينة .
هااااااا .. عــاد فهمت *حق ذي الرطينة ؟!!!
تلقط إحساسي .. و ألقط إحساسك .. على رغم المسافة و البعد !!! أسبقك مرة ، و تسبقني مرة لكلمة أو حرف .
و تأسرني بلطافة نفسك و غناها . و بساطة تدحرج الضحكة من أعماقي ..
و بحنان تفتّق خيوط أحزاني .. و بجنون تشخبط ألوان الفرح على جدران روحي . و نركض سوا بساحل مشاعرنا ، نطيّر *ساحرة ورق .. بيدك خيط
و بيدي خيط ..
و ريح المودة *تدزّنا لبعيد
.. بعيد ..
و أسولفلك .. و أنثر بحضنك مخزون فكري و ذكرياتي .. و اللي شلّته من زمان من سابق حياتي .. عن دخون أمي .. و شقى و كدح أبوي .. عن صـــدى الغربة اللي ربتنا صغار .. و هجرناها كبار .. عن أهل صاروا أعزّ من الأهل .. عن وجــوه أشوفها بيومي .. وش قالت لي .. وش كنت أنا أقول .. و إنته تسمع .. و تسمّع ..
و فجأة تزعل .. و ما ادري ش اللي قلته و خلاك تزعل . و أبتدي أشوف نفسي محبوسة بغرفة ندم .. ياليتني ما قلت .. ياليتني سكت .. و أرجع ألملم كل حرف مني *تنعشل و إنتثر .
و أنا أحلف _ و الله _ ما كان قصدي *أحدّك للزعل .. و إنته تبني سدّ .. الله ما أقوى سدّ زعلك ..
و أحاول بكل إصرار أراضيك .. و كيف ما ترضى !! يــا عنيد ليش بس تعاند ؟ يمكن أنا أعند منك ..
لكن معاك ما أقدر أعاند .. و آتمّ أحاول .. ثم أحاول .. حتى تصفا روحك ..
و تكون إنته إنت ..
و بـس تـــعود .. تطير من قلبي حمامات السعود .. و أنا أرتفع معها ..
و آتلّ روحك معي ..
يـــا لله تعال .. بسك زعل ..
قلت :: أصـبر ســــــنة .. و أشوف هلأحاسيس بتغـيّر .. بـتأثر .. بـتحول .. بـتنقلب . قمت معاك أصبر و أتصبر .. و أنا من حــــــولي يقولـــون : الله أكبر ، فــيك شــــي متغيّر ، عيونك قامت تضحك .. و تــــلمع كــــنّ حدّ ركّب فيها نجمة .
و بسمتك تضوي بوسط وجهك .. و نفسك صــــارت طــيبة زود و سموحة .
و كلمتك تطلع و فيها شــوق و شــوق .
و فرحتك فرحة طـفـــــل بأول سنينه لـى مشى و طاح صرخنا الله يعينه . شنهو صاير عندكم في هلمدينة !!
علمونا وش هو هالسر الخطير . و أنا أضحك ..
و أردد لو عرفتوا السر ، فضلاً ، علموني .. أنا اللي ودي أعرف وش قاعد يصير .
لا .. عاد ما ممكن يكون .. هذا اللي يسمونه جنون .. من تكون ؟ و من أكون ؟ حتى إحنا ما تبادلنا العيون !!
لـــــي قريت هالكلام _ عـاد _ لا تخــاف .. و لا *تــــخرّع .. بس تـــــمهل .
و أفتح *مندوس قلبــك و أنفض الغبرة
عن أوراق الأحاسيس و تفكّر . مرّ عليك إحساس من هذا الشكل ؟! يمكن ؟ تقدر تفسره ؟ و يمكن تبتسم .
بـــس إذا صادك سهم ، إنشر على سطح بيتكم * بنديرة .. و إكتب
.. صابنا ما صابكم يا هل ذيــك الديرة .
--------------------------------------------------------------------------------

*إشقد : كم
*تترس : تملأ
*وش : ما - ماذا
*أعبّر : أقدر ، أستطيع
*شنو : ماذا
*يلمنا : يجمعنا
*أوادم : جمع آدمي .. ناس
*حق : لـــ ..
*ساحرة ورق : طائرة ورقية
*تدزّنا : تدفعنا
*تنعشل : تبعثر
*أحدّك : أدفعك
*آتلّ : أسحب بقوة
تخرّع : تخشى
*مندوس : صندوق
بنديرة : علم .. راية
كان الناس قديماً يرفعون الأعلام أو أي قماش آخر ، عندما يعود لهم عزيز من حج أو سفر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
النسر الأصفر
المدير العام
المدير العام
avatar

ذكر عدد الرسائل : 566
العمر : 25
الموقع : كتيبة الفتح أحلي منتدي
العمل/الترفيه : طالب ثانوي
المزاج : رايق
الأعلام :
المزاج :
Personalized field :
تاريخ التسجيل : 10/01/2009

مُساهمةموضوع: رد: شعر وخواطر   الإثنين يناير 12, 2009 7:14 am

مشكور علي المووضوع الراااائع
تقبل مروري
المدير العام
wesam
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatah44.yoo7.com
فتحاوى عنيد
نائب المدير العام
نائب المدير العام
avatar

ذكر عدد الرسائل : 569
العمر : 25
الموقع : كتيبة الفتح أحلي منتدي
العمل/الترفيه : طالب ثانوي
المزاج : عاشق
الأعلام :
تاريخ التسجيل : 10/01/2009

مُساهمةموضوع: رد: شعر وخواطر   الإثنين يناير 12, 2009 7:24 am

مشكوووووووور علي الموضوع الرااااائع والجميل
يسلمواا
تقبل مروري


تحياتى

فتحاوى عنيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fatah44.yoo7.com/
قناص العاصفة
عضو جديد
عضو جديد


ذكر عدد الرسائل : 50
العمل/الترفيه : طالب جامعي
الأعلام :
المزاج :
تاريخ التسجيل : 12/01/2009

مُساهمةموضوع: رد: شعر وخواطر   الأربعاء يناير 14, 2009 6:35 am

مشكوور ويسلموا علي الموضوع الرااااائع
بجد شيء حلوووو
تحياتي
تقبل مروري
قنااااص العااصفة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع فلسطينيه
نائب المدير العام
نائب المدير العام
avatar

انثى عدد الرسائل : 638
العمل/الترفيه : خبيرة تجميل
الأعلام :
المزاج :
Personalized field :
تاريخ التسجيل : 12/01/2009

مُساهمةموضوع: رد: شعر وخواطر   الأربعاء يناير 14, 2009 11:40 pm

يسلمو برنس على الطرح الرائع
تحياتي لشخصك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إبن الديمومة
عضو جديد
عضو جديد


ذكر عدد الرسائل : 56
العمل/الترفيه : طالب
الأعلام :
المزاج :
تاريخ التسجيل : 11/01/2009

مُساهمةموضوع: رد: شعر وخواطر   الجمعة يناير 23, 2009 4:06 pm

يسلموااا برنس علي الموضوع الراااااااائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعر وخواطر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: [[ القسم الخامس :: الـشـعــر والأدب والـخـواطـر ]] :: بـوح القلم - همسات و خواطر-
انتقل الى: