امثال للزواج والاعراس من التراث الفلسطيني

امثال شعبيه فلسطينية قيلت للزواج والاعراس

زينة الزين، الحاجب والعين
سمره ونغشه، ولا بيضة ودفشة
اللي بياضه ما هو من ربه ، يا رب تعب قلبه
خدها بيضة ولو انها مجنونة!
خود الحلو واقعد قباله ، وان جعت شاهد جماله
البشع بشع لو تغسل كل يوم، والحلو حلو لو فاق من النوم
الطويلة طالت التينة والقصيرة ظلت حزينة
يا ماخد القرد على ماله، يروح المال ويبقى القرد على حاله
جيبوا بنات ولا تقعدوا بطالات
القسمة والنصيب والحظ
بخت الرمايم قايم وبخت الوينات نايم
اقعدي في عشك تييجي حد ينشك
لما بيقع النصيب من السما بنصاب الخطاب بالعمى
اللي بحط فلوسه ، بنت السلطان عروسه

بدك تطرد صهرك غلي مهرك
اللي بدو يصاهر ما بيقاهر
يا محلى العرس، ويا مصعب طقاطيقه
عرس المجانين في الكوانين
العروسة للعريس ، والفرجة للمتاعيس
لبس البوصة بتصير عروسة

جوز عود ولا القعود
هم البنات للممات
يا بخت من وفق راسين بالحلال
الجوز رحمة ولو كان فحمة
البنت اذا كبرت يا الجبر يا القبر
امشي في جنازة ولا تمشي في جوازة
من طين بلادك حني خدادك
ان بدك تصون العرض وتلمه جوز بنتك للي عينها منه
زوان بلدنا ولا قمح الغريب
قبل ما تناسب حاسب
كبرت القرعه ودندلت اجراسها ونسيت الف رقعه بقنبازها
كيد النسا ما حدا قده لو مال على حيطها هده

مشكووووووووووووووو النسر الأصفر علي هذا الموضوع الراااائع
وعلي هذه الأمثال

مشكور جداااااااااا
على الموضوع
الرائع
الجميل
يسلموووووو
دياتكــــــــــــــــــــــــ
على الموضوع
نتمنى مزيدك
وننتظر جديدك
تحياتى لك
فتحاوى عنيد

» التراث الشعبي
» التراث الشعبي - مصطلحات ومدلولات
» المنسف الفلسطيني
» طريقة عمل المفتول الفلسطيني::: لذيذ جدا
» مجموعة لوحات للفنان الفلسطيني